დასახელება: მევლუდი წელი: 1985 ჟანრი: დრამა, სათავგადასავლო, რეჟისორი: ნიკოლოზ სანიშვილი, როლებში: ზურაბ ცინცქილაძე გიორგი გელოვანი გივი ჩუგუაშვილი ეკა ქუთათელაძე მანუჩარ შერვაშიძე ამირან ქადეიშვილი შოთა სხირტლაძე ნოდარ იაკობიძე მამუკა გათენაძე მალხაზ ბებურიშვილი იგორ ბალა, სერგეი კრავჩენკო, ტატიანა ლავრენტიევა, ლერი გაფრინდაშვილი, ქართლოს მარადაშვილი, ნოდარ სოხაძე, იური ჯიჯეიშვილი, გივი ჯაჯანიძე, ვალენტინა სიომინა, აღწერა: პოლიცია აჭარის ჩაგრული მოსახლეობის ქომაგის მევლუდ დიასამიძის სახელის გატეხას ცდილობს. მას რომ ვერ ჩაიგდებს ხელში. მის ცოლ-შვილს შეიპყრობს. მევლუდი მეფის მოხელეს, თოფჩან-ბეგს მიუხტება და დატყვევებულთა გათავისუფლებას მოსთხოვს. მევლუდის ვაჟკაცობით მოხიბლული ბეგი ფულს და ოსმალეთში გაქცევას შესთავაზებს, მაგრამ მევლუდი ხიზნობას სამშობლოში სიკვდილს არჩევს. მას ღალატით შეიპყრობენ და აიძულებენ რევოლუციონერებთან კავშირი აღიაროს. ადვოკატი დუმბროვსკი გლეხის გაყაჩაღებას სოციალური უსამართლობით ახსნის და სასიკვდილო განაჩენს კატორღით შეაცვლევინებს.
დასახელება: გიორგი სააკაძე წელი: 1943 ჟანრი: ისტორიული, ბიოგრაფიული, რეჟისორი: მიხეილ ჭიაურელი როლებში: აკაკი ხორავა ვერიკო ანჯაფარიძე ლიანა ასათიანი მერაბ კოკოჩაშვილი გაიოზ შარაშიძე ყარამან მგელაძე ზურაბ ლეჟავა სპარტაკ ბაღაშვილი მედეა ჯაფარიძე სერგო ზაქარიაძე შალვა ღამბაშიძე ალექსანდრე ჟორჟოლიანი ალექსანდრე ომიაძე კირილე მაჭარაძე ნიკოლოზ მამულაშვილი გიორგი შავგულიძე კოხტა ყარალაშვილი აკაკი ვასაძე მიხეილ ჩიხლაძე არტემ ლუსინიანი გიორგი როსება კოტე დაუშვილი გიორგი ფრონისპირელი ივანე პერესტიანი დიმიტრი სუხიტაშვილი-გლდანელი ვასილ ბალანჩივაძე გიორგი დავითაშვილი ალექსანდრე ეძგვერაძე ზაალ ტერიშვილი, შალვა ხუსკივაძე, ალექსანდრე ჯაგარბეკოვი, ივანე თოიძე პეტრე მორსკოი, ელენე ჩოხელი, აღწერა: თურქეთისა და სპარსეთის სათარეშო ასპარეზად ქცეული, სამთავროებად დაქუცმაცებული XVII საუკუნის საქართველო. სახალხო ლაშქარს სათავეში უდგას გიორგი სააკაძე, ის თავგამოდებით იბრძვის მტრის წინააღმდეგ და ქართლის მეფეს, ლუარსაბ II–ს სამთავროების გაერთიანებისკენ მოუწოდებს. მეფე სააკაძის დას ირთავს ცოლად. მოურავის აღზევების გამო შურით აღვსილი თავადი შადიმანი და სხვა დიდგვაროვნები მის წინააღმდეგ შეთქმულებას აწყობენ. სააკაძე იძულებული ხდება თავი სპარსეთის შაჰის კარს შეაფაროს, სადაც დიდ სახელს, პატივსა და სიმდიდრეს მოიხვეჭს. შაჰ აბასის ბრძანებით სააკაძე სპარსეთის ლაშქარს საქართველოსკენ გამოუძღვება. მას მოღალატედ თვლიან, მაგრამ სააკაძეს სპარსელთა დახმარებით ურჩი ფეოდალების განადგურება და საქართველოს გაერთიანება აქვს ჩაფიქრებული. მარტყოფის ველზე სპარსეთის მრავალრიცხოვანი ლაშქრის განადგურების შემდეგ სააკაძე შელახულ სახელს და ღირსებას აღიდგენს. დიდი მოურავი გამარჯვებას ზეიმობს, მაგრამ ამ დროს მას შაჰის საჩუქარს – შაჰის კარზე მძევლად დარჩენილი ვაჟის, პაატას მოკვეთილ თავს გადასცემენ. თავადები ერთიანდებიან და სულიერად გატეხილ სააკაძეს ამარცხებენ.
დასახელება: თეთრი ბაირაღები წელი: 1990 ჟანრი: კომედია, დრამა, რეჟისორი: გიგა ლორთქიფანიძე, როლებში: გიორგი ხობუა ქეთევან კიკნაძე ოთარ მეღვინეთუხუცესი გიორგი ბურჯანაძე გიორგი რამაზ ჩხიკვაძე გივი ბერიკაშვილიგივი ლეო ანთაძელეო გივი ფირცხალავა, სოსო ჯაჭვლიანი, აღწერა: სტუდენტ ზაზა ნაკაშიძეს, რომელსაც ჩხუბში მონაწილეობისთვის დააპატიმრებენ, უდანაშაულობის დამტკიცების იმედი არა აქვს. ციხის საკანში სხვადასხვა ეროვნებისა და მრწამსის დამნაშავეები შეყრილან. დროს განვლილ ცხოვრებაზე და დანაშაულის ჩადენის მიზეზებზე კამათში კლავენ. ქურდის, მკვლელის, სახელმწიფო ქონების გამფლანგველის, ყველაზე საშიში ბოროტმოქმედის სულშიც შეიძლება სათუთი გრძნობები იმალებოდეს. გამომძიებელი ზაზას უდანაშაულობას დაადგენს და მას ციხიდან გაათავისუფლებს.
დასახელება: მაია წყნეთელი წელი: 1959 ჟანრი: ისტორიული, ბიოგრაფიული, რეჟისორი: რეზო ჩხეიძე, როლებში: ლეილა აბაშიძე, გრიგოლ ტყაბლაძე, გოჩა აბაშიძე, აკაკი კვანტალიანი, ნოდარ ჩხეიძე, იოსებ აბრამიშვილი, აღწერა: გამოქცეული, ბიჭად გადაცმული წყნეთელი გლეხის გოგო მაია გზად ტყვეებით მოვაჭრე თავადს გადაეყრება. უშიშრად შეუტევს, ტყვეებს გაათავისუფლებს და მოღალატე თავადს მეფე ერეკლეს მიგვრის. მათე-ბიჭად მონათლული მაია ყმების გაყიდვაში ამხელს თავადებს, რომლებიც შეთქმულებას მოუწყობენ და დილეგში გამოამწყვდევენ. მათეს ბერიკებად გადაცმული მეგობრები გაათავისუფლებენ და შემოსეული მტრის წინააღმდეგ მებრძოლ მეფის ჯარს შეუერთდებიან. დაჭრილი მათე-მაია თავისი ქალობის საიდუმლოს უახლოეს მეგობარ ვაჟს მხოლოდ სიკვდილის წინ გაუმხელს.
დასახელება: ბაში აჩუკი წელი: 1956 ჟანრი: დრამა, ისტორიული, რეჟისორი: ლეო ესაკია, როლებში: ოთარ კობერიძე დოდო აბაშიძე ლია ელიავა მედეა ჩახავა დოდო ჭიჭინაძე კოტე დაუშვილი იუსუფ კობალაძე მერი დავითაშვილი გურამ საღარაძე თამარ ციციშვილი გიორგი შავგულიძე მიხეილ მგელაძე ალექსანდრე ეძგვერაძე გივი თოხაძე, გიორგი ტატიშვილი, ნიკოლოზ წიკლაური შალვა ბეჟუაშვილი, ირაკლი ქოქრაშვილი გიორგი ჟუჟუნაშვილი გრიგოლ კოსტავა მიხეილ ჩიხლაძე, აღწერა: XVII საუკუნეში კახეთში ბიძინა ჩოლოყაშვილის მეთაურობით დაწყებული აჯანყება მთელს საქართველოს მოედო. იმერელი ჭაბუკი, მეტსახელად “ბაში-აჩუკი”, მუსრს ავლებს ყიზილბაშებს. იგი ტყვეობიდან ათავისუფლებს შაჰის ჰარამხანისთვის სპარსეთისკენ გარეკილ ქალიშვილებს, რომელთა შორის მისი ტყუპი დებიც არიან. ბაში-აჩუკის მიერ ორთაბრძოლაში დამარცხებულ სპარს ფალავანს, მოსისხლე მტერს, აბდუშაჰილს, ერთი მათგანი, მზისა, შეუყვარდება. მის სიყვარულში დარწმუნებული მზისა აბდუშაჰილს აჯანყებულ ქართველთა ბანაკში მიიყვანს, სადაც გაირკვევა, რომ ისიც ქართველია – ბავშვობაში სამშობლოდან გატაცებული და მტრის კარზე გაზრდილი. აბდუშაჰილის ლაშქარი იარაღს დაყრის. ბრძოლის ბედი ქართველთა სასარგებლოდ გადაწყდება.
დასახელება: აურზაური სალხინეთში წელი:1975 ჟანრი: კომედია, მუსიკალური, რეჟისორი: ლანა ღოღობერიძე, როლებში: ნადეჟდა ხარაძე, სოფიკო ჭიაურელი, კახი კავსაძე ნინო ანანიაშვილი, გეგა კობახიძე, ნ. მალაზონია, ირმა გიგაური, ზურაბ კიკალეიშვილი, მარია ბაუერი, მარინა თბილელი, გურანდა გაბუნია, ლიკა ჭავჭავაძე, ნანული სარაჯიშვილი, ნ. ბერელაშვილი, სოფიკო მაღალაშვილი, მაია კაჭარავა, ე. გურევიჩი, ს. მაჩაიძე, ს. გრიგორიადისი, დიმიტრი თაყაიშვილი, ზურაბ ლაფერაძე, გიორგი გეგეჭკორი, გია ავალიშვილი, ჯემალ ღაღანიძე, სოსო ბაქრაძე, ვასილ ჩხაიძე, ბაადურ წულაძე, დავით პაპუაშვილი, აღწერა: ფილმი მიმართულია მეშჩანობისა და გონებაშეზღუდულობის წინააღმდეგ. ქალაქში, სადაც სმა-ჭამა, რესტორნების კულტი გამეფებულა და დიდის ხალისით იმართება კულინარიული კონკურსები, ყოფილი მომღერალი ქალი სურათების მუზეუმის გახსნას გადაწყვეტს, რათა სულიერების ნათელი შეიტანოს ღორმუცელათა ამ სამყაროში. მთელი ეს აურზაური სავსეა მხიარული ექსცენტრიკით.
დასახელება: სათნოებათა კიბე წელი: 1996 ჟანრი: დრამა, რეჟისორი: ნიკო წულაძე, როლებში: ბაია კერესელიძე მანუჩარ შერვაშიძე, ზურაბ ცინცქილაძე, გიორგი მაჩაიძე, მაია ჭყონია, არჩილ კაპანაძე, კუკური ხერგიანი, შალვა აბაშიძე, ამირან ქადეიშ ვილი, ბერდია ინწკირველი, როლანდ კაკაურიძე, გიგო ჯაფარიძე, გიორგი ხოჯელანი, შერმადინ ქალდანი, აღწერა: XVIII საუკუნეები. გარეშე და შიდა ომებით, დიდგვაროვანთა შუღლით დაუძლურებული და დაქუცმაცებული საქართველოს კუთხეებს შორის მშვიდობის დამყარებას, სულიერების დამკვიდრებისთვის ბრძოლას ფილმის გმირების – მხატვრის, მღვდლის და მადნის მომპოვებლის პირადი ცხოვრება და სიცოცხლე მსხვერპლად ეწირება. გადის დრო... ვნებები ცხრება. დრო–ჟამს მხოლოდ შემოქმედი ადამიანების ნაღვაწი გადაურჩება – კულტურული ძეგლები, სიმღერა, კედლის მხატვრობა.
დასახელება: გლახის ნაამბობი წელი: 1961 ჟანრი: დრამა, რეჟისორი: ლეო ესაკია, როლებში: გოჩა აბაშიძე ოთარ ხატიაშვილი ალექსანდრე ომიაძე მედეა ჩახავა გრიგოლ კოსტავა აკაკი კვანტალიანი ალექსანდრე გომელაური ენრიკო ღაღანიძე იოსებ ლაღიძე ზ. გაჩეჩილაძე დათო დანელია მიხეილ მგელაძე ირაკლი ქოქრაშვილი გიორგი ჟუჟუნაშვილი, დიმიტრი ყიფიანი, აღწერა: სასწავლებლად გაგზავნილ ბატონიშვილ დათიკოს ქალაქში თანშეზრდილ ყმას, გაბრიელს გააყოლებენ. ბატონის სიკვდილის შემდეგ ახალგაზრდები სოფელს დაუბრუნდებიან. გაბროს მოხუცი პეპიას გოგო, თამრო შეუყვარდება და ქალის ხელს ითხოვს. დათიკო პირველი ღამის უფლების გამოყენებას მოისურვებს, გაბროს არც თხოვნას, არც მუქარას არ შეისმენს, მას და პეპიას დააპატიმრებინებს, თამროს მოატაცებინებს და საწადელს აისრულებს. სინდისი მალე შეაწუხებს – კატორღისკენ გარეკილი ტუსაღების ბადრაგს თავს დაესხმის და პეპიას და გაბროს გაათავისუფლებს. გაბრო საცოლისთვის შურს იძიებს და დათიკოს მოკლავს.
დასახელება: ვინ შეკაზმავს ცხენს წელი: 1963 ჟანრი: დრამა, რეჟისორი: შოთა მანაგაძე, როლებში: კოტე დაუშვილი, იოსებ გოგიჩაიშვილი, დალი ღოღელიანი, გია ნიკოლაიშვილი, მანანა მანაგაძე, ოთარ მეღვინეთუხუცესი, ოთარ არღუთაშვილი, ილია ბაკაკური, ეკატერინე ვერულეიშვილი, მინადორა ზუხბა, ვენერა ნეფარიძე, ა. ჭელიძე, მაია ტატიშვილი, ნანა ყიფიანი, ვიქტორ ნინიძე, კაპიტონ აბესაძე, აღწერა: მარჯვე ცხენოსანს, ალხას ჩამბას ცოლის სიკვდილის შემდეგ შვილებიც მიატოვებენ და ქალაქში გადასახლდებიან. ამაყი მოხუცი ეზო-კარის დაცარიელებას მტკივნეულად განიცდის. გადაწყვეტს, შვილიშვილი მაინც დაუბრუნოს სოფელს, მით უმეტეს, რომ მშობლების გაყრის შემდეგ ბიჭი ინტერნატში იზრდება. ალხასი მალე დარწმუნდება, რომ შვილიშვილი იმედს გაუმართლებს და მის ოჯახში ტრადიციების ღირსეული გამგრძელებელი, მამაცი მხედარი გაიზრდება.
დასახელება: რაც გინახავს ვეღარ ნახავ წელი: 1965 ჟანრი: კომედია, რეჟისორი: მიხეილ ჭიაურელი, როლებში: სოფიკო ჭიაურელი გიორგი შენგელაია აკაკი ხორავა ვასო გოძიაშვილი ვახტანგ ნინუა ვერიკო ანჯაფარიძე სერგეი მარტინსონი არჩილ გომიაშვილი აკაკი კვანტალიანი ფარსმან სონღულაშვილი ცაცა ამირეჯიბი მერი დავითაშვილი კოტე დაუშვილი ემანუილ აფხაიძე, ილია ბაკაკური, რევაზ ბარამიძე, ავთანდილ ვერულეიშვილი, ედიშერ მაღალაშვილი, მიხეილ სულთანიშვილი, გივი თოხაძე, კოტე თოლორაია, მ. ხოჯავა, დიმიტრი ყიფიანი, აღწერა: ხელოსან ბიჭს, გოგიას ბაზრობაზე სოფლიდან ჩამოსული გოგო, ტასია შეუყვარდება, გულის ნადებს გაუმხელს და დანიშნავს. ტასიას სოფელში მაყრიონის თანხლებით ჩასულ გოგიას პატარძალი აღარ დაუხვდება - თავადის ქალის ბრძანებით, გოგო ბატონის სახლში შინამოსამსახურედ წაუყვანიათ. ხანშიშესულ, უქნარა ბატონს ტასია მოეწონება და მასზე ჯვრისწერას გადაწყვეტს, მაგრამ ბატონყმობა უკვე გადავარდნილია - ბატონი წანანდებურად ვეღარ იპარპაშებს. გოგიას მეგობარი ყარაჩოღელები ბატონს პატარძალს წაართმევენ და გოგიას დაუბრუნებენ.